Mynediad at Wasanaethau

Sut gall Cyngor Rhondda Cynon Taf ddarparu cefnogaeth a gwybodaeth i drigolion mewn modd sy’n gynhwysol o anghenion a dewis pobl?

Fe ofynnodd Ymgynghorwyr Profiad Byw i Gydweithrediad Ymchwil ar Benderfynyddion Iechyd Rhondda Cynon Taf (CYBI RhCT) adolygu’r ffordd mae trigolion yn cael mynediad at wasanaethau a sut mae’r Cyngor yn cyfathrebu gyda nhw. Mae Cyngor RhCT yn hyrwyddo ymagwedd digidol yn gyntaf i gyfathrebiadau gyda’r cyhoedd. Mae hyn yn golygu bod gwybodaeth am wasanethau’r Cyngor yn bennaf yn cael ei rannu ar-lein.

Fe gynyddodd y newid i ddarparu gwasanaethau ar-lein yn ystod y pandemig ac mae’r ddarpariaeth ar-lein wedi helpu’r Cyngor i ymdopi gyda galw cynyddol. Nid yw’r newid i wasanaethau ar-lein wedi bod yn fuddiol i bawb. Mae rhai trigolion yn gwynebu heriau wrth gael mynediad at a defnyddio gwasanaethau ar-lein ac mae opsiynau eraill wyneb yn wyneb yn weithiua’n wael yn cael eu hyrwyddo.

Beth fydd Cydweithrediad Ymchwil ar Benderfynyddion Iechyd RhCT yn ei wneud?

Rydym yn gwybod fod pobl yn cael mynediad at wybodaeth a gwasanaethau’r Cyngor mewn sawl ffordd gwahanol, boed hynny’n gefnogaeth wyneb yn wyneb gan gynghorydd IBobUn, help dros y ffôn gan y ganolfan gyswllt, neu ddefnyddio’r wefan i ddod o hyd i wybodaeth. Rydym eisiau deall mwy am brofiad trigolion a staff yn defnyddio’r platfformau yma.

Byddwn yn edrych ar wahanol fathau o wybodaeth fel profiadau trigolion, data mae’r Cyngor yn casglu, ymchwil academaidd, a gwybodaeth gan awdurdodau lleol eraill i:

Sut byddwn yn gwneud hyn

I ddechrau, byddwn yn adeiladu darlun clir o sut mae’r Cyngor yn cefnogi trigolion i gael mynediad at wybodaeth a gwasanaethau. Bydd yn cynnwys tystiolaeth o sawl ffynhonnell gan gynnwys data’r cyngor a barn trigolion a staff. Mae’r Ymgynghorwyr Profiad Byw yn rhan o weithgor y prosiect ac rydym hefyd yn gweithio gyda’n carfan Llais y Gymuned i ymgysylltu gyda thrigolion a grwpiau cymunedol. Drwy ddeall sut mae pobl yn cael mynediad at wasanaethau nawr, gallwn wybod beth sy’n gweithio’n dda ac adnabod unrhyw rwsytrau a/neu blychau yn y ddarpariaeth.

Yn ystod cam nesaf y prosiect, byddwn yn ystyried pa mor rhwydd ydy e i drigolion ddefnyddio ein gwasanaethau a byddwn yn ystyried sut i wneud gwelliannau. Byddwn yn gweithio gyda staff i ddeall beth sydd am eu helpu nhw i wneud y gwelliannau yma mor effeithiol â phosib.

Gallwch edrych ar ein prosiectau eraill yma neu gysylltu â ni am fwy o wybodaeth.