Gwariant Ataliol

Rydym bellach yn gweithio ar Ran 2 ein prosiect gwariant ataliol, sydd yn edrych ar wasanaethau yn RhCT sy’n anelu i atal digartrefedd.

Mae tîm CYBI RhCT wedi adnabod cwestiynau ymchwil ac fe fyddwn yn archwilio sut gellir gwario arian i atal pobl rhag mynd yn ddigartref. Bydd hyn yn cynnwys profi ein diffiniadau o wariant ataliol mewn gwahanol gyd-destunau.

Fe fyddwn ni’n defnyddio tystiolaeth o bob rhan o’r Gacen Dystiolaeth. Ar gyfer y cwestiynau sy’n berthnasol i dystiolaeth academaidd, rydym yn cyd-weithio gyda Chanolfan Polisi Cyhoeddus Cymru a Chanolfan Effaith Digartrefedd, a manteisio ar eu harbenigedd yn y maes hwn.

Mae ein hadroddiad Magu bellach wedi'i gyhoeddi!

Rydym yn falch o rannu ein hadroddiad cyntaf o’r prosiect ‘Gwariant Ataliol’.

Mae’r adroddiad yn canolbwyntio ar un o feysydd ‘Gwariant Ataliol’ y Cyngor – atal achosion o wahanu rhieni a’u babanod – archwilio sut gall gwariant ataliol wneud gwahaniaeth i deuluoedd, ac adnabod pa dystiolaeth sydd ei angen i ddangos gwerth hirdymor.

Mae tua £1.17 miliwn yn cael ei wario bob blwyddyn yn RhCT ar atal gwahanu rhieni a'u babanod, gyda thua 55% o hyn yn cael ei gyfeirio at atal trydyddol: ymyrryd i atal problemau rhag gwaethygu neu ddigwydd eto.

Roedd ein hymchwil yn canolbwyntio ar Wasanaeth Magu – llwybr integredig ar gyfer unigolion beichiog a'u teuluoedd, gyda phrif nod o leihau nifer y plant sy'n derbyn gofal.

Mae arwyddion cynnar yn dangos bod Magu yn helpu i atal achosion o wahanu rhieni a’u babanod, gwella lles teuluoedd ac mae ganddo’r potensial i leihau costau hirdymor i’r Cyngor yn sylweddol.

Gallwch ddarllen yr adroddiad llawn yma

Rydyn ni’n falch iawn i rannu ein hadroddiad cyntaf o’r prosiect hwn, sy ar gael i’w lawrlwytho o’r adran dogfennau allweddol ar y dudalen hon.

Mae’r adroddiad hwn yn ffocysu ar un agwedd ataliol penodol o fewn y Cyngor: atal gwahanu rhiant a baban. Rydyn ni’n diffinio beth yw gweithredoedd ataliol, mapio faint sy’n cael ai gwario ar rheiny, ac asesu’r effaith posibl yn nhermau deilliannau i drigolion ac adenillion ar fuddsoddiad.

Mae tua £1.17 miliwn yn cael ei gwario bob blwyddyn ar atal gwahanu rhiant a baban, gyda tua 55% o’r buddsoddiad hwn yn cael ei anelu at atal trydyddol: ymyrryd i atal problem rhag gwaethygu neu ddigwydd eto. Darganfyddon ni fod gwasanaethau yn RhCT yn alinio’n dda gydag arfer da mewn llefydd eraill, sy’n golygu’u bod nhw’n debyg o gael effaith cadarnhaol tebyg ar bedwar prif ddeilliant: ymwneud ffurfiol â gwasanaethau cymdeithasol, ymddiriedaeth mewn proffesiynolion, iechyd a lles rhieni, a hyder a sgiliau rhiantu. Sut bynnag, heb werthusiad ffurfiol, nid yw’n bosib dod i gasgliadau am effaith gwasanaethau, ac er bod arwyddion calonogol, mae’r isadeiledd data cyfredol yn ei wneud yn anodd i fesur eu heffaith yn llawn.

Hefyd, rydych chi’n gallu lawrlwytho ein crynodeb tystiolaeth byrrach sy’n rhoi trosolwg o’n gwaith.

Rydym wedi cyhoeddi ein allbwn cyntaf – Diffinio Gwariant Ataliol.

Mae’r papur briffio yma’n disgrifio beth yw gwariant ataliol, pam ei fod o bwys i'r Cyngor, a’r gwahanol gategorïau o wariant ataliol.

Gallwch ddarllen ein papur briffio YMA, neu ei lawrlwytho o’r adran dogfennau allweddol ar y dudalen yma.

Bydd y prosiect gwariant ataliol yn bwrw golwg ar dri maes gwasanaeth gwahanol. Y cyntaf o'r rhain yw'r gwasanaethau yn Rhondda Cynon Taf sy'n ceisio atal plant ifainc rhag mynd i ofal.

Mae Carfan y CYBI wedi nodi cwestiynau ymchwil fydd yn cael eu hateb gan ddefnyddio tystiolaeth gyfredol ac yn cael eu defnyddio i lunio:

• Adroddiad mewn perthynas â sut mae gwasanaethau'r Cyngor yn ceisio atal plant ifainc rhag mynd i ofal a pha ddeilliannau sy'n deillio o'r gwasanaethau yma.
• Mewnwelediadau er mwyn datblygu fframwaith i archwilio buddsoddiadau ataliol mewn meysydd gwasanaeth gwahanol.

Er mwyn sicrhau bod y garfan yn bwrw golwg ar y meysydd cywir, mae gyda ni ymgynghorydd profiad byw yn aelod o'r gweithgor.