Graddedigion, Interniaethau a Lleoliadau ar gyfer Myfyrwyr

Mae CYBI RhCT wedi ymrwymo i greu lleoliadau i raddedigion a myfyrwyr ac interniaethau sydd o fudd i'r ddwy ochr, a hynny drwy gydol oes y prosiect. Mae'r cynllun yma wedi meithrin safbwyntiau a dulliau arloesol a fydd o fudd i GYBI RhCT, a bydd yn parhau i wneud hynny, ynghyd â darparu llu o fanteision i'r rhai sy'n ymgymryd â lleoliad gyda ni, gan gynnwys:

Bwriwch olwg ar broffiliau swyddogion graddedig ac interniaid sydd wedi cwblhau eu lleoliad gyda ni ar y dudalen yma.

Dyma enghraifft o'r adborth rydyn ni wedi'i dderbyn hyd yn hyn:

'Mae'r interniaeth yma wedi bod yn gyfle datblygu proffesiynol hynod werthfawr, sydd wedi rhoi cyfle i mi ennill gwybodaeth ymarferol am Adnoddau Dynol, profiad o gynnal gwaith ymchwil, a hyder wrth gyflwyno canfyddiadau i uwch arweinwyr. Mae'r lleoliad wedi gwella fy ngallu i weithio mewn amgylchedd lle mae angen gwneud penderfyniadau sy'n seiliedig ar dystiolaeth a bydd yn allweddol yn fy ngyrfa ym maes Adnoddau Dynol yn y dyfodol.

'Ar y cyfan, roedd fy mhrofiad interniaeth yn werthfawr iawn ond mae cyfle bob amser i wella. Pe bawn i'n cael cyfle tebyg eto, byddwn i'n ceisio mwy o gyfleoedd i fynychu cyfarfodydd a deall y broses o wneud penderfyniadau sy'n seiliedig ar dystiolaeth o safbwyntiau gwahanol. Roedd yr hyfforddiant MBTI yn agoriad llygad ac roedd y cymorth ar faterion lles a ddarparodd fy ngoruchwyliwr yn ddefnyddiol iawn. Roeddwn i'n deall rôl y rheolwyr ym mhob carfan, o'r garfan Adnoddau Dynol i'r garfan rheoli cyflawniad.