Pecynnau Gwaith CYBI

Rhannu Pecynnau Gwaith CYBI ar Facebook Rhannu Pecynnau Gwaith CYBI Ar Twitter Rhannu Pecynnau Gwaith CYBI Ar LinkedIn E-bost Pecynnau Gwaith CYBI dolen
Pecynnau gwaith (sydd hefyd yn cael eu galw'n ffrydiau gwaith neu'n rhaglenni gwaith) yw'r gwahanol rannau sy'n ffurfio CYBI RhCT. Mae'r nodau wedi'u rhannu'n chwe maes llai, sy'n canolbwyntio ar faterion penodol — gelwir pob un yn Becyn Gwaith.
Pecyn Gwaith 1: Cynnwys ac Ymgysylltu â'r Cyhoedd
Mae'r rhan yma o'r prosiect yn ymwneud â gwrando ar bobl leol a'u cynnwys yn rhan o bethau, yn enwedig y rhai nad ydyn nhw fel arfer yn cael eu clywed. Y nod yw sicrhau bod gan bawb gyfle i ddweud eu dweud mewn perthynas ag anghydraddoldebau iechyd. Bydd pobl o'r gymuned yn helpu i lunio prosiectau, yn ymuno â grwpiau llywio fel Ymgynghorwyr Profiad Bywyd, a hyd yn oed helpu i ddylunio gwaith ymchwil a chyflwyno ceisiadau am gyllid. Bwriad hyn yw sicrhau bod gan y cyhoedd gyfle i ddweud eu dweud mewn perthynas â'n gwaith.
Pecyn Gwaith 2: Defnyddio Tystiolaeth i Gefnogi'r Broses Gwneud Penderfyniadau
Mae'r rhan yma'n canolbwyntio ar helpu'r Cyngor i wneud penderfyniadau gwell gan ddefnyddio’r dystiolaeth orau sydd ar gael. Mae'r pecyn gwaith yma'n edrych ar ba wybodaeth sydd ei hangen, yna'n gweithio gyda staff, partneriaid ac aelodau'r gymuned i gasglu a defnyddio'r dystiolaeth honno. Y nod yw sicrhau bod penderfyniadau wedi'u seilio ar ffeithiau ac ymchwil.
Pecyn Gwaith 3: Datblygu'r Sgiliau a Gallu sydd eu hangen i Gynhyrchu, Dehongli a Defnyddio Tystiolaeth
Mae'r pecyn gwaith yma'n canolbwyntio ar hyfforddi a chefnogi pobl— staff y Cyngor, sefydliadau lleol a thrigolion lleol — fel eu bod nhw'n teimlo'n hyderus wrth ddefnyddio ymchwil a data. Byddwn ni'n edrych ar ba sgiliau sydd gan bobl ar hyn o bryd, y bylchau o ran sgiliau, ac yna'n cynnig hyfforddiant perthnasol, e.e. dadansoddi data a sut i droi ymchwil yn weithred. Y nod yw sicrhau bod gan y bobl yr hyn sydd eu hangen arnyn nhw i wneud gwahaniaeth.
Pecyn Gwaith 4: Cynnal Gwaith i Ddatblygu Cynigion Ymchwil a Cheisiadau am Gyllid
Mae'r rhan yma'n ymwneud â chreu prosiectau ymchwil newydd a hynny er mwyn llenwi'r bylchau o ran yr wybodaeth sydd gyda ni. Mae'r gwaith yma'n rhoi cyfle i garfanau ddod at ei gilydd — gan gynnwys staff y Cyngor, ymchwilwyr ac aelodau'r gymuned — er mwyn llunio ceisiadau am gyllid. Y nod yw sicrhau cyllid er mwyn cefnogi syniadau newydd a all wella penderfynyddion iechyd ehangach yn yr ardal.
Pecyn Gwaith 5: Addasu Strwythurau a Gweithdrefnau'r Awdurdodau Lleol er mwyn Cynnal Gwaith Ymchwil a Chasglu Tystiolaeth
Mae'r pecyn gwaith yma'n canolbwyntio ar waith y Cyngor ac yn nodi cyfleoedd lle mae modd cynnwys ymchwil yn rhan o benderfyniadau bob dydd. Gallai hyn olygu newid sut mae data'n cael ei gasglu, disgrifiadau swydd, neu sut mae adroddiadau'n cael eu hysgrifennu - a hynny er mwyn sicrhau bod ymchwil yn cael ei ddefnyddio'n fwy aml ac mewn modd effeithiol.
Pecyn Gwaith 6 – Creu’r strwythur llywodraethu i gefnogi darpariaeth y Cydweithrediad Ymchwil ar Benderfynyddion Iechyd, monitro effaith a lledaenu'r dysgu.
Mae'r pecyn gwaith olaf yn ymwneud â sicrhau bod y prosiect cyfan yn rhedeg yn llyfn, mesur beth sy'n gweithio, a rhannu'r hyn sy'n cael ei ddysgu gydag eraill. Mae'n cynnwys sefydlu'r carfanau sy'n arwain y prosiect, olrhain cynnydd, a sicrhau ein bod ni'n dweud wrth bobl — o drigolion lleol i gyllidwyr cenedlaethol — am ein llwyddiannau a'r gwersi a ddysgwyd.
Sut mae'r cyfan dod at ei gilydd
Er bod pob Pecyn Gwaith (PG) yn canolbwyntio ar faterion unigol, maen nhw hefyd yn gweithio gyda'i gilydd, fel darnau o bos:
  • Mae llais y cyhoedd (PG1) yn helpu i lunio penderfyniadau (PG2), hyfforddiant (PG3), ac ymchwil (PG4).
  • Mae'r dystiolaeth sy'n cael ei chasglu (PG2) yn dangos lle mae angen rhagor o hyfforddiant (PG3) neu ymchwil newydd (PG4).
  • Mae hyfforddiant (PG3) yn helpu pobl i ddod yn rhan o bethau — o ymgysylltu â'r cyhoedd i waith ymchwil.
  • Mae'r prosiectau ymchwil (PG4) yn cael eu sefydlu ar sail yr anghenion sydd wedi'u nodi (PG2) ac yn cael eu cefnogi gan y sgiliau sy'n cael eu datblygu (PG3).
  • Mae newidiadau yn y ffordd y mae'r Cyngor yn gweithio (PG5) yn ei gwneud hi'n haws defnyddio'r holl dystiolaeth ac ymchwil yma.
  • Ac mae'r gwaith llywodraethu a chyfathrebu (PG6) yn cynnal y cysylltiad rhwng pob dim ac yn cael ei rannu â'r byd ehangach.
Pecynnau gwaith (sydd hefyd yn cael eu galw'n ffrydiau gwaith neu'n rhaglenni gwaith) yw'r gwahanol rannau sy'n ffurfio CYBI RhCT. Mae'r nodau wedi'u rhannu'n chwe maes llai, sy'n canolbwyntio ar faterion penodol — gelwir pob un yn Becyn Gwaith.
Pecyn Gwaith 1: Cynnwys ac Ymgysylltu â'r Cyhoedd
Mae'r rhan yma o'r prosiect yn ymwneud â gwrando ar bobl leol a'u cynnwys yn rhan o bethau, yn enwedig y rhai nad ydyn nhw fel arfer yn cael eu clywed. Y nod yw sicrhau bod gan bawb gyfle i ddweud eu dweud mewn perthynas ag anghydraddoldebau iechyd. Bydd pobl o'r gymuned yn helpu i lunio prosiectau, yn ymuno â grwpiau llywio fel Ymgynghorwyr Profiad Bywyd, a hyd yn oed helpu i ddylunio gwaith ymchwil a chyflwyno ceisiadau am gyllid. Bwriad hyn yw sicrhau bod gan y cyhoedd gyfle i ddweud eu dweud mewn perthynas â'n gwaith.
Pecyn Gwaith 2: Defnyddio Tystiolaeth i Gefnogi'r Broses Gwneud Penderfyniadau
Mae'r rhan yma'n canolbwyntio ar helpu'r Cyngor i wneud penderfyniadau gwell gan ddefnyddio’r dystiolaeth orau sydd ar gael. Mae'r pecyn gwaith yma'n edrych ar ba wybodaeth sydd ei hangen, yna'n gweithio gyda staff, partneriaid ac aelodau'r gymuned i gasglu a defnyddio'r dystiolaeth honno. Y nod yw sicrhau bod penderfyniadau wedi'u seilio ar ffeithiau ac ymchwil.
Pecyn Gwaith 3: Datblygu'r Sgiliau a Gallu sydd eu hangen i Gynhyrchu, Dehongli a Defnyddio Tystiolaeth
Mae'r pecyn gwaith yma'n canolbwyntio ar hyfforddi a chefnogi pobl— staff y Cyngor, sefydliadau lleol a thrigolion lleol — fel eu bod nhw'n teimlo'n hyderus wrth ddefnyddio ymchwil a data. Byddwn ni'n edrych ar ba sgiliau sydd gan bobl ar hyn o bryd, y bylchau o ran sgiliau, ac yna'n cynnig hyfforddiant perthnasol, e.e. dadansoddi data a sut i droi ymchwil yn weithred. Y nod yw sicrhau bod gan y bobl yr hyn sydd eu hangen arnyn nhw i wneud gwahaniaeth.
Pecyn Gwaith 4: Cynnal Gwaith i Ddatblygu Cynigion Ymchwil a Cheisiadau am Gyllid
Mae'r rhan yma'n ymwneud â chreu prosiectau ymchwil newydd a hynny er mwyn llenwi'r bylchau o ran yr wybodaeth sydd gyda ni. Mae'r gwaith yma'n rhoi cyfle i garfanau ddod at ei gilydd — gan gynnwys staff y Cyngor, ymchwilwyr ac aelodau'r gymuned — er mwyn llunio ceisiadau am gyllid. Y nod yw sicrhau cyllid er mwyn cefnogi syniadau newydd a all wella penderfynyddion iechyd ehangach yn yr ardal.
Pecyn Gwaith 5: Addasu Strwythurau a Gweithdrefnau'r Awdurdodau Lleol er mwyn Cynnal Gwaith Ymchwil a Chasglu Tystiolaeth
Mae'r pecyn gwaith yma'n canolbwyntio ar waith y Cyngor ac yn nodi cyfleoedd lle mae modd cynnwys ymchwil yn rhan o benderfyniadau bob dydd. Gallai hyn olygu newid sut mae data'n cael ei gasglu, disgrifiadau swydd, neu sut mae adroddiadau'n cael eu hysgrifennu - a hynny er mwyn sicrhau bod ymchwil yn cael ei ddefnyddio'n fwy aml ac mewn modd effeithiol.
Pecyn Gwaith 6 – Creu’r strwythur llywodraethu i gefnogi darpariaeth y Cydweithrediad Ymchwil ar Benderfynyddion Iechyd, monitro effaith a lledaenu'r dysgu.
Mae'r pecyn gwaith olaf yn ymwneud â sicrhau bod y prosiect cyfan yn rhedeg yn llyfn, mesur beth sy'n gweithio, a rhannu'r hyn sy'n cael ei ddysgu gydag eraill. Mae'n cynnwys sefydlu'r carfanau sy'n arwain y prosiect, olrhain cynnydd, a sicrhau ein bod ni'n dweud wrth bobl — o drigolion lleol i gyllidwyr cenedlaethol — am ein llwyddiannau a'r gwersi a ddysgwyd.
Sut mae'r cyfan dod at ei gilydd
Er bod pob Pecyn Gwaith (PG) yn canolbwyntio ar faterion unigol, maen nhw hefyd yn gweithio gyda'i gilydd, fel darnau o bos:
  • Mae llais y cyhoedd (PG1) yn helpu i lunio penderfyniadau (PG2), hyfforddiant (PG3), ac ymchwil (PG4).
  • Mae'r dystiolaeth sy'n cael ei chasglu (PG2) yn dangos lle mae angen rhagor o hyfforddiant (PG3) neu ymchwil newydd (PG4).
  • Mae hyfforddiant (PG3) yn helpu pobl i ddod yn rhan o bethau — o ymgysylltu â'r cyhoedd i waith ymchwil.
  • Mae'r prosiectau ymchwil (PG4) yn cael eu sefydlu ar sail yr anghenion sydd wedi'u nodi (PG2) ac yn cael eu cefnogi gan y sgiliau sy'n cael eu datblygu (PG3).
  • Mae newidiadau yn y ffordd y mae'r Cyngor yn gweithio (PG5) yn ei gwneud hi'n haws defnyddio'r holl dystiolaeth ac ymchwil yma.
  • Ac mae'r gwaith llywodraethu a chyfathrebu (PG6) yn cynnal y cysylltiad rhwng pob dim ac yn cael ei rannu â'r byd ehangach.
Diweddaru: 10 Meh 2025, 10:56 AC