Teithio Llesol

Cyflwyniad i Deithio Llesol

Mae Teithio Llesol yn golygu teithio drwy gerdded, seiclo neu olwyno ar gyfer teithiau bob dydd. Mae hyn yn cynnwys pethau fel mynd i’r ysgol neu gwaith, ymweld â siopau, neu fynychu apwyntiadau yn y feddygfa neu fferyllfa.

Y Cyngor sy’n gyfrifol am gynllunio a gwella llwybrau Teithio Llesol ar draws RhCT i helpu i wneud y teithiau yma’n haws ac yn fwy diogel.

Am y prosiect yma

Roedd y prosiect yn un o dri a gynhaliwyd yn rhan o gyfraniad CYBI RhCT at raglen Trawsnewid, sy'n datblygu uwch-reolwyr y Cyngor.

Mae'n rhoi i gydweithwyr cyfle i ddysgu, mireinio a chymhwyso'r sgiliau hanfodol ar gyfer gwneud penderfyniadau wedi'u llywio gan dystiolaeth mewn amgylchedd diogel.

Trwy'r broses hon, rydyn ni eisiau gwella'n dealltwriaeth o Deithio Llesol yn RhCT, yn cynnwys ble mae'r angen mwyaf, yr effaith ar iechyd a lles a faint mae'r cyhoedd yn ei wybod yn barod.

Beth fyddwn ni’n wneud

Fe wnawn ni ddefnyddio ystod eang o dystiolaeth gan gynnwys data sefydliadol, gwybodaeth poblogaeth, data effaith, ymchwil academaidd, gwybodaeth broffesiynol a phrofiad byw o bobl leol. Bydd hyn yn ein helpu deall yn well:

• Yr effeithiau posib o isadeiledd teithio llesol ar iechyd a lles
• Sut mae ardaloedd eraill yn mesur effeithiau iechyd a lles o isadeiledd teithio llesol
• Sut mae trigolion yn meddwl am lwybrau teithio llesol a'u buddion
• Ymwybyddiaeth am deithio llesol ymhlith trigolion

Bydd dod a’r ffynonellau yma ynghyd yn ein helpu i adeiladu darlun llawn o’r anghenion a’r cyfleoedd presennol.

Sut wnaeth trigolion cymryd rhan

Mae eich barn yn bwysig i ni. Drwy gymryd rhan yn ein harolygon a rhannu eich profiadau, byddwch yn cyfrannu’n uniongyrchol i’r dystiolaeth profiad byw rydym yn defnyddio i ddeall sut mae pobl yn teithio ar draws RhCT.

Bydd eich adborth yn ein helpu ni ddeall beth sy’n gweithio’n dda, beth sydd ddim, a pha rwsytrau sy’n gwynebu pobl sy’n teithio ar droed, ar olwyn neu ar feic.

📝Cymeron nhw ein harolwg